今晚出席中學同學的婚宴,早幾天已很期待,
可能受"那些年"的影響吧!
大概都知有那些中學同學會出席,
並約了她們一起赴宴.
尤於近日沉醉跑步,
所以沒有花時間去買衫扮靚,
所以今日只是casual look去飲.
當我們到達後,
已見到一些中學同學已到了,
我們先影相和交"入場券",
哈哈!
轉過身,
竟然見到你!
很surprise,
之前聽他們講話揾你唔到,
點解今日你會黎嘅?
而你和每位女生都有打招呼,
唯獨是沒有和我打招呼!!!
其實,
我都好想好想同你講句野,
如果可以一齊影大合照就更加好!
今晚大家未能同坐一枱,
同學們都有點失望!
直至到飲宴中途,
見你不時講電話,
心想: 是不是有急事要走呢?
所以當影完大合照下台時,
我終於同你講左句:
Hi! 好耐無見!
你回答我:
都唔係好耐0者,
我成日都撞到你嘅,
我係邊度邊度撞到你 .
. . . . .
(其實, 上一次撞到已是幾年前的事了!)
話題開始了,
原來在街上,
你有同我打招呼,
只是我唔覺得你有反應,
哈哈!
就這樣,
我們便一直談下去. .
.
忽然你叫某人走開一點,
說有事同我講:
對唔住呀,
我知我以前對你唔好!
果時細個唔識諗 . . . (不斷重覆講對唔住同說起puppy love
的事!)
我呆了,
心想:
你仲記得嘅咩? 你仲記得之前係邊度撞過我?
(呢d咁無聊嘅野,
從來都只有我記得嘅唧!
哈哈!)
你仲話:
如果我地當年無分開,
我地而家唔知會係點呢呵???
(我知道,
你可能隨口嗡, 但我已經冧爆了!)
對我黎講,
呢一刻,
好震憾,
好開心,
好驚喜!
好似發緊夢!
呢番說話,
不知是真心還是假意,
是酒後吐真言又好,
是醉人瘋語又好,
但我已全單接收!
對你,
由中三那年我便開始有感覺了.
每逢有關你的消息我便會特別留意!
運動場上的姿態,
很charm!
當年,
你掛住練習,
又要陪兄弟班去玩,
或許我們都太年輕了,
又或許你跟本不想拍拖,
還是你跟本無鐘意過我呢?
之後,
同學們都覺得你醉了,
因為你坐在我身邊,
不停say sorry,
不停說往事,
還說記得我們是男女班長 .
. .
同學們察覺到你是不開心的,
所以不停問你原因!
之前亦覺得有點遺憾,
沒有我們的合照,
今晚好想好想趁呢個機會拍一張,
成功了!好開心,
我會好好保存的!
因為這是"那些年"的回憶!
之前,
每次在街上撞見你, 我的心便跳得很快,
見你沒有表情,
我是不會跟你打招呼的!
但你今晚竟然向我說之前在街見到我時整日都心緒不寧,
還跟同事說因為遇見初戀女朋友,
哈哈!
想不到你還會記得以前我們的事,
到過的地方,
記得你曾經說過,
我們的事應該好似粉筆字般抹去了!
當年,
我心極痛,
亦好嬲你!!!
原來,
大家都是有感覺的!
咁點解 . . .
是欠了一點緣份嗎?
是有緣無份嗎?
我們之前在街上遇見時,
有些時候大家都有另一半在旁, 很多時,
四目交投後便行過了!
我見你拖著太太的幸福模樣,
我心裡是祝福你的,
是真的!
宴會完了,
我們數人搭車回家, 在車上,
你叫那位乘客調過位,
咁我地可以一齊坐
短短二十分鐘車程,
我們都很開心,
繼續那些年, 你帶著醉意不停say
sorry 和說起那些年的片段,
雖然大家都好開心,
但我同你講過,
你今晚所講嘅野,
我聽到真係好開心,
明天你可能對講過咩都無印象,
仲可能覺得自己今天的行為好幼稚,
但對我黎講,
我以經很心足了 .
. . . .
女人,
就是這般易氹的!!!
下車了,
同學們轉搭其他車回家,
而你說要送我回家,
我 . . .
我說要步行回家,
是的,
帶點私心,
我知你會陪我一起行的,
在回家途中, 我們並肩而行,
你說很像以往中學時期送我回家的情景,
談了很多事情!
短短二十分鐘的路程,
我們都好開心,
就好似回到中學時,
我心想:
如果可以讓時間停留在這一刻便好了,
究竟我而家係咪發緊夢呀???
我真係覺得自己在夢中!
你同我講,
都覺得而家好似發緊夢,
無諗過我地可以有機會傾計, 仲送我返屋企.
你仲話某同學同你講,
你錯過左好多野! 我問你是錯過了什麼??
你說唔講我知.
最後,
我迫你講左,
你說:
錯過左你!
我話聽唔到喎,
吓,
咩話???
你話:
咪講左囉!
我:
聽唔到呀,
咩呀???
你再講多一次俾我聽!
冧爆!
在回家途中,
你酒意漸散,
話題多了很多, 你話點解我地之前無咁多野講嘅?
到達我家樓下,
我真心希望:
今晚是真的, 明天開手機見到有我們的合照!
因為這是你留給我最好的禮物!
到了,
我懷著依依不捨的心情向你說再見!
真的,
真的不捨得說再見!
回到家後,
縱使很累了,
但仍然唔想瞓著, 好想這個夢是真的!
不久,
你打給我,
說了幾句便收線了!
凌晨一時多了,
你whatsapp我說了數句, 話自己其實未醉, 真心想講 . .
.
知道啦! 我明白啦! 你未醉, 但我已被你冧爆了, 我 . . . 醉了!
今晚這個"夢",
真的令我很開心, 望著手機的合照,
想起剛才的情景,
不知不覺,
懷著甜蜜的心情睡著了.
我知道,
可能你唔開心飲醉了才會說出這些話,
和受到"那些年"這套戲的影響吧!
(你話鐘意呢套戲,
連手機鈴聲都是那些年!)
或許你明天睡醒,
什麼也記不起,
但對我來說,
我已經很滿足了!
), 因為我旁邊有同事, 而他也有朋友在旁
