第二十次練跑!

早兩日朋友話放工後一齊去練跑,
地點是中央圖書館傍的運動場.
吓? 中央圖書館就去得多0者,
居然去圖書館傍邊的運動場跑步?

以前, 真係諗都無諗過要黎呢度跑步呀!


剛剛落過雨, 跑道有點濕滑,
所以跑時都要"就"住跑.

今晚只是間中有小小涼風,
大部份時間都熱得很,
共跑了400m  x 12.5,
都有5km,
但每跑幾個圈便行一圈作休息.


以往連跑10圈的氣力和毅力,
究竟去晒邊???


跑步後, 和朋友坐在公園旁傾計和休息, 都幾爽!


之後, 行去天后食晚飯.  朋友話運動後可以照平時食量, 但我唔信囉, 我可以忍口! 明明專家話運動後吸收得特別快, 食咁多, 剛才的運動量咪即係白費!

但我 . . . 雖然晚餐食小左, 但忍唔到口 . . . 飲左罐冰凍可樂>> 都覺得有點嘥氣!


之後, 由天后行去維園, 朋友話有條緩跑徑, 所以順便行吓. 跟住再行返去灣仔飲野了.

唔經唔覺, 已十二點幾了,
係時候趕搭尾班車回家了!



記得由6月1日開始跑步,
到現在7月中,
話咁快又到第二十次練跑了.
不是特登安排, 但第二十次練跑地點竟在這個銅鑼灣運動場!


雖然跑步是沉悶和孤獨的活動,
但要繼續加油!