2012年6月9日 星期六

第五次練跑!




休息左2日無跑,
趁今日假期(星期六), 八點幾就醒左,
梳洗後預備出發去運動場時,
聽到天氣報告話~酷熱天氣警告, 成32度,
都有小小猶豫, 究竟出發還是繼續睡呢?


最後, 決定了不能半途而廢,
如果當日氣温也是酷熱天氣,
咁我係咪都唔去跑呢?
還是去行呢?
如果同事們有練習和體力能夠應付,
咁到時只有我適應唔到咁點算呢???


所以都係去感受吓酷熱天氣下跑步的感覺,
跑了四個圈,
熱到差d中暑,
坐了幾分鐘再行多個圈都覺得勁辛苦,
無辦法, 放棄了!


先去便利店買飲品和嘆吓冷氣


中午過後, 去吃碗涼伴米線 + 汽水


 


途經這家由小學開始幫襯的校服店, 記憶中他們的待客態度並不友善, 弟弟常說:"晦晦氣氣陳炳記" 哈哈!
當然啦, 住在這區, 有誰不懂又或未聽過這家老店的名稱呀!正所謂獨市生意, 唔憂做!某天看電視新聞訪問該店老板, 原來這是自置物業, 將出租給電訊公司, 每月可收取廿萬租金, 當然啦, 收租咁和味, 廿萬? 要賣幾多套校服先賺到呀? 梗係將鋪頭出租啦! 相信區內人都會有點不捨"那些年"的集體回憶吧!



之後, 又去逛商場
最後, 決定買了這雙新推出的運動鞋!
超輕
用七百多元買對鞋來跑步, 就是要鼓勵自己努力堅持下去, 不可半途而廢喔!



"順便"買多條運動褲啦!








晚上在家吃過晚飯後,
休息了一會,
心思思又想去跑步, 當然, 即刻著上新鞋和新褲;



今晚連跑6400m (535m x 12, 即6個圈),
時間為1小時,
自己都覺得好勁!
不得不讚!



之後再去對面河邊快步行了1200m,
再跑多600m,
收工了~

勁開心!

今日早上和晚上的表現實在差天共地,
晚上跑, 真的舒服好多!


努力!








2012年6月6日 星期三

第四次練跑!






昨晚表現實在太差啦!

今日放工後便和同事去食左碗"淨紫菜四寳",

為免那些米粉和麵頂住個胃, 所以今日只吃淨四寳算了!

先補充一下能量才搭車回家.



今晚連跑@535m x 4 = 2140m (共2圈),

然後再到另一條河邊行吓又跑吓.

有進步!

繼續努力呀!


原來都有幾多人鐘意跑步,
望見那些型男索女,
他們的身型簡直令人羡慕! 同妒忌呀!
很佩服他們的堅持和毅力,
"No free lunch"又一例証!





2012年6月5日 星期二

第三次練跑!



放工後,
覺得有點肚餓,所以0係屋企附近食碗車仔麵補充能量休息一小時後,
便去跑步!


今晚狀態唔好,跑了3個圈後已有想嘔的感覺,又覺得個胃好似頂住左,所以快步行2圈便回家了!


下次都係放工後即去食個晚餐才搭車回家,要預食飽後2小時才可運動呢!


今晚表現實在差, 差, 差 . . . . . 超失望呀!




2012年6月3日 星期日

第二次練跑!





雖然尋晚夜瞓,
但今朝仍一早起身,
今早連跑4個圈, 哈哈, 有小小進步



要連跑真係幾辛苦,
希望可以練長氣d,
可以一次過跑多幾個圈.

今早天氣很熱, 只跑了10個圈便回家了!



 一向都沒有做運動,
所以都幾攰
下午在家Hea吓抖吓!



之前約左今晚和家人食晚飯,
因為細佬請客,
爸爸提議去打邊爐,
佢話可以食多d, 飲(啤酒)多d!

我 . . . 掃興地說: 打邊爐?
我唔去啦, 你地去啦!
我今晚唔想食咁多野, 咁 . . . 唔抵喎, 我唔去啦!


媽咪又想一家人去食開心d喎,
佢提議去"打冷",
我 . . . 只好乖乖聽命啦!



其中呢3味餸都係我點架,
因為都係我喜愛0既,
見到都口水流 . . .


蠔餅



鹵水鵝



爸媽至愛的水煮魚(有小小失望, 因為不是連一個大煲上的)




吃過豐富的晚餐,
又要諗吓運動plan了!






2012年6月1日 星期五

偷得浮生半日閒! & 第一次練跑!







話咁快又到6月1日,
今早返工時見到藍天白雲,
已令我感到心情很輕鬆了!


早幾日見到網友的blog記載平日放假到處吃喝玩樂,
我 . . . 又心思思想放假,
所以早幾天入紙申請取了半天假.


  Lazy . . . 我認架!


放工後, 心情愉快,
只因今個星期的工作完成了!
可以悠悠閒閒地享受假期.


今日去了沙田逛街和吃下午茶,
點解會去沙田呢?


對上2次去沙田, 主要目的是shopping.
今日去沙田 . . .


 
後未, 去了一個你常去的地方,
亦明知你今天這個時段一定不會去,
我 . . . 都唔明點解!








吃了一個6x元的下午茶! (真係覺得幾貴!)


這個新城市廣場真係人流極旺呀!


今日沒有買什麼, 但看了一些0岩心水的運動服,
明天 . . . 一於獎勵吓自己先!


 
 


Window Shopping一下,
不經不覺已7點了,
是時候回家了!



回到家後,
哈哈!

換過運動服便去”跑步”,
仲跑左4.5km,
實在要讚一讚自己呀!






 


一個人去跑步,
真的不知為何於坐車回程途中, 忽然心血來潮想去跑步,
原本計劃跑6個圈,
最後卻跑了13個圈(連3)和行了5個圈.


對別人來說,
可能是小事一樁,
但對我來說,
一個超重又不做運動的人,
簡直是”小小小創舉”呀!


希望, 這個好習慣可以keep住,
加油呀!











2012年5月25日 星期五

這是一個(等待的)遊戲!




今晚想起這首歌,  


等,
寂寞到夜深 

夜已漸荒涼 夜已漸昏暗
莫道你在選擇人 人亦能選擇你 
公平原沒半點偏心 

苦澀 慢慢向著心裡滲 
何必抱怨 曾令醉心是誰人
自願吻別心上人 糊塗換來一生淚印 
何故明是痛苦傷心
還含著笑裝開心 今宵的你可憐還可憫
目睹她遠去 她的腳印心中會永印
糊塗是你的一顆心 他朝你將無窮的後悔 
這一生你的心裡滿哀困

http://youtu.be/_aaM9QdcDFw






等,


日復日的等待,


每日如常希望會有一點進展,


更會每星期如常地期望這「突破」一刻的來臨,


經過這數月暗暗地盼望, 傻傻地期待,


可惜, 最終, 這天, 沒有到來.











但是,


令人感到心淡, 失望和厭倦的感覺,


欲終止等待的一天卻來到了!











進一步, 退二步,
再進二步, 然後退一步,

這算是什麼「舞步」呢?






要踏前一步真的如此困難嗎?




如果   你   感到舉步維艱,

即使是一小步也感到乏力向前.





或許是基於我們之間缺小了一些東西,

是 . . . 火花?

還是 . . . 緣份?



我明白的!




這是一個(等待的)遊戲,

或許我並不懂得玩這個遊戲,


決定就此算了!


G A M E   O V E R !




2012年4月30日 星期一

4月30日!




又到4月30日

由10多年前某年的4月30日開始,
我們也會在這天慶祝這個紀念日,


我以為 . . .

我以為 . . . 我是幸福的, 只因遇到你,
我以為 . . . 我們是會相伴到老甜蜜地渡過每年的4.30
我以為 . . . 我是幸運兒, 上天賜我一個會對我不離不棄的人


原來 . . . . .


 
所有的"我以為 . . . . . . . . . . . ."


只是,


我 . . . 自以為是

我 . . . 自以為這一切都是這麼理所當然

我 . . . 自以為幸福地沉醉當中




我 . . . 傻得很!









離別以後,
我不知怎樣獨自面對一些特別的日子,



2009年: 約了朋友1/5-2/5去宿營和行山, 對我來說, 這是個具新鮮感和特別的活動, 所以, 30/4與家人吃過晚飯, 便回家執拾背包, 早點睡覺, 因為不可遲到喔!

2010年: 很慶幸在這公司遇到了一班好同事, 而今天竟是某同事的last day, 所以約了十多人一起去吃晚飯和到蘭桂芳飲野, 盡興而返!

2011年: 與好同事到赤柱一趟, 很高與能認識到這位好同事, 情同姊妹, 就好像多了一個妹妹. 記得當初認識不久, 已覺得很有默契, 什麼事情也能分享! 真好!

2012年: 謝謝"好姊妹"特登請假陪我一整天, 並說我今天想去那裡, 想食什麼也可以, 總之俾我話晒事! 今年的4.30真的玩得很高興, 想講便講, 想吃便吃, 想去那裡便去那裡, 真的很開心! 很高興有你這個知己!



時間過得真快, 這樣便過左四年了,
今天, 我過得很開心,
但, 不知怎的,
最近我覺得夠了, 厭了, 停了!


雖然間中仍會想起你,
但我知道, 縱使有機會再遇你,
你, 再也不是從前的那個你,
眼前的你, 只是一個陌生人吧了!


今天, 和他說了一點往事,
我竟然覺得好攰, 好悶, 好厭.
竟愈說愈想轉個話題,
覺得感覺不再一樣.

 
我心是暗喜的,
我希望自今天起, 可以完完全全放低你.


所以, 縱使今天已玩得很累,
但仍然要將這感覺寫下,
很想放低,
就在今天, 這裡終止!








(聽著蘇永康的~從來未發生! 感覺很正!)