2008年10月9日 星期四

互相扶持



今早聽到米雪尹佬的消息, 心中也替他們難過, 明明互相依賴, 互相扶持, 不經不覺已24個年頭, 在這些感情快速轉變的世代, 不用靠一紙婚書來維繫彼此感情, 卻難得大家可一起走過24年, 實屬難得.

看了這段新聞, 真的令我感受很深刻; 再想想自己與K先生的經歷及回憶, 點解佢可以話放低就放低, 一句大家唔夾, 從前所作出的承諾已煙消雲散, 佢話以經唔記得了.佢想照顧佢家人, 工作. 就咁就放棄左我地呢個家.佢話佢已經盡左9年責任?

你咁都講得出口??
當佢愛你的時候:  所有都係可以作出承諾
當佢唔再愛你的時候:  所有都隨輕煙飄走

希望米雪尹佬可繼續堅強地面對逆境, 畢竟能找到可與自己共患難的人不多,我深深的祝福你們!


東方日報
09/10/2008
互相照顧 有情有義




每 當 愛 侶 或 朋 友 遇 到 困 難 的 時 候 , 亦 是 見 證 人 心 之 時 , 仍 能 互 相 扶 助 同 渡 難 關 的 , 才 算 是 有 情 有 義 的 人 , 絕 對 值 得 大 家 借 鏡 !

八金 藍 潔 瑛 
被 情 緒 問 題 困 擾 多 時 的 藍 潔 瑛 , 暫 未 找 到 工 作 , 八金 有 見 及 此 , 即 表 示 有 意 請 她 到 旗 下 的 時 裝 店 任 副 店 長 , 願 助 藍 潔 瑛 度 過 風 雨 。
謝 霆 鋒 張芝 
今 年 1 月
芝 捲 入 床 照 事 件 , 老 公 霆 鋒 即 時 與 她 齊 齊 閉 關 在 家 , 2 月 時 開 腔 表 示 與芝 感 情 未 變 , 之 後 更 高 調 力 撐 愛 妻 , 伴芝 走 過 低 潮 。

羅 家 英 汪 明 荃
家 英 哥 與 阿 姐 先 後 患 上 癌 病 , 02 年 阿 姐 患 上 乳 癌 , 得 到 家 英 哥 支 持 及 鼓 勵 。 04 年 12 月 到 家 英 哥 證 實 患 上 肝 癌 , 這 次 有 阿 姐 悉 心 照 料 , 可 見 兩 人 情 義 俱 全 。  


能找到真心為你付出的愛侶難求, 請好好珍惜!



2008年10月4日 星期六

沒有K先生的日子


沒有K先生的日子

今天是星期六, K先生放假, 佢好早起床, 我都好早, 因我瞓唔到;我約左好友到餐廳食早餐, 但吃不下, 只懂流淚, 心好痛呀; 跟好友傾傾傾, 傾個不停, 後未佢陪我去找樓, 看左2間, 一間7樓($4,500), 另一間19樓($4,200);再諗吓先.

我朋友說先跟K先生再商量吓先, 睇吓有無灣轉, 但我知道佢係一個好決絕的人, 由其當佢決定左分手, 佢會唔理其他人.但會好傷其他人.

我真係好傷心, 點解?點解呢一個月大家會咁難受?

下午我決定寫左一封信俾佢, 向佢講出我的感受, 當然佢會感受到幾多呢?可能係無囉, 我地一齊坐係度傾唔到偈, 我寫封信俾佢, 亦都希望佢會回番一封信俾我.

但信中內容說, 佢話佢呢13年來, 用包容, 忍耐, 遷就, 黙不作聲, 深呼吸及唔去想等方法, 但佢發覺其實我們咁樣相處對大家都好唔開心, 佢話佢壓力好大, 包括工作, 要照顧佢家人, 又無人同佢傾訴.咁我呢?就可以放棄我呀.



點解要放棄我?





2008年10月3日 星期五

分手!!



今日下午3時51分致電K先生, 他在公司, 我如常致電跟他談談天, 但他有一句, 沒一句的, 我忍不住問他: 你做咩呀, 做咩唔想講野呀?
他沒出聲, 我地大家都無出聲, 之後我再找話題, 佢都唔係好想講,
我再問佢有咩事, 做咩唔想講野, 佢無出聲, 之後說: 我地分開冷靜吓;

當我聽到之後, 我真係好心痛, 近排發生咩事, 大家一齊13年, 最近一個月,他跟我說了三次要分開, 頭一兩次, 大家最後妥協, 繼續.............

但今次, 我唔知佢做咩事, 之前佢仲買傢俬, 仲話計劃同我去旅行, 上星期日仲開開心心去花墟買左2盆小盆栽.......


大家一齊在同一屋簷下已8年了, 搬了3次家, 去過泰國, 韓國, 日本, 台灣, 上海...............太多共同回憶, 怎可以一下子話走就走, 我個心好痛, 之前, 我以為我已經揾到可共同到老的伴侶, 但原來...........

之前, 一齊4年後, 佢離開過一次, 現在9年後又再走一次, 佢要去做一個愛的逃兵................

原來, 當一個人要走, 你點都留唔住, 之前說什麼什麼情話, 通通變成空氣, 但自已郤透唔到氣, 只是看著當天的情信及咭, 所有所有承諾, 就好像沒作出過一樣, 點解?

點解人可以咁架?只顧眼前, 將過去快樂的時光一一抹去, 說什麼我地真係唔夾, 勉強一齊對大家都無好處, 咁點解唔早d同我講, 要等到今時今日, 女人最黃金的時間放在你身上, 你一句對唔住, 就走了.

當初在病床前, 你一次又一次應承過我屋企人, 你錯過一次, 以後唔會再傷害我第二次, 永遠唔會,你說你會照顧我一生一世, 唔會當我係你的負累, 會一生一世盡你所能照顧我, 咁點解今日會咁做呀?之前你說你知錯, 知道第一次傷得我好深, 你說你永不會犯錯;但現在一句說大家唔夾, 覺得做人好大壓力, 就咁就離開我, 咁我點呀?

你係咪想激死我? 想我唔開心? 想我病倒呀??????







2008年9月14日 星期日

勁唔開心的中秋節!


9月14日(星期日) 中秋節
K先生說想與我去深圳食晚飯, 我們先乘搭西鐵, 後到元朗搭小巴去福田過關, 我們再轉乘深圳地鐵, 由皇崗站到福田站...

我們想去小肥羊吃火鍋, 嘩!超多人, 樓下已坐滿人, 唔駛諗啦, 跟住我地去"一品紅", 等左一陣, 好快有枱啦!

吃飯後, 便回元朗了, 過關的時候, 因一句說話, K忽然嬲爆, 一聲不嚮, 真的不知他怎樣想...後來, 搭小巴回元朗時, 我問他吃不吃甜品, 佢話:你鐘意!

但一路行去食, 仍繼續嬲爆, 到了"泛後甜品", 各自叫了一碗糖水後, 各有各吃, 我問他要不要試試我的楊枝金露或芒果, 他說: 唔要. (仍繼續嬲)

後未, 搭輕鐵再轉西鐵回屯門.沿途他完全一言不發, 真的不知他搞什麼?

今年中秋...勁唔開心!

2007年的中秋, 我等他放工後, 我們到置樂搭車去深井發記食糖水再閒逛, 感覺都幾開心和sweet架! 


點解今年會咁架?真係好唔開心!





2007年12月15日 星期六

Paris Festival



15 Dec 2007
Paris Festival at Tsim Sha Tsui East












24 Dec 2007 PP, Admiralty





2007年7月22日 星期日

台灣高雄(21-25/7/2007)之22/7/2007



22/7/2007 (星期日)
日式麻辣關東煮
慢慢揀, 就好似去食車仔麫咁







這是我的午餐(部份), 並買了一杯雪芭做甜品


晚上到六合夜市, 2005年4月同K先生都來過"掃街",K先生要我買烏魚子喎, 快d睇吓先, 好多間, 慢慢揀


















花式造形熱狗




售賣土耳其雪糕, 這位人兄蠻搞鬼的! 成日整蠱d客人, 真係專業, "又要賣雪糕, 又要娛賓"!







2007年7月21日 星期六

台灣高雄(21-25/7/2007)之21/7/2007




今早乘港龍飛高雄, 21-25/7/2007, 希望能盡情享受呢個旅程
於2005年4月, 我與K先生曾參加台灣環島遊, 包括高雄, 台中及台北, 好抵玩!亦好開心!
但可惜今次未能與K先生一同乘行, 不過, 唔緊要啦, 每天與他保持電郵溝通也可以啦, 其實, 佢千叮萬囑, 叫我幫佢買烏魚子喎!係!一定要記得買俾佢.

7月21日行程










呢杯就係馬桶冰啦!


嘩!烤魷魚, 好香呀!勁想食呀!




咁樣食萍果, 你有興趣食嗎?



 
旗津POSTER


晚餐到"紅樓"吃泰國菜,都幾好味架!
食完飯, 仲去左睇戲添!但我超眼瞓囉!邊睇邊瞓...  zzz




2007年7月1日 星期日

深圳一品大長今



2007年7月1日
昨晚到美亞按摩兼留宿一晚, 第2天中午與K先生去食午餐, 途經呢間深圳一品大長今, K先生對呢間舖的裝修非常有興趣, 覺得應該不錯, 都幾大間喎, 好啦!於是決定入內一試...
我們是很喜歡吃烤肉的, 希望可以與在韓國的烤肉店相比啦...


好多配菜呀!我最喜歡食呢d配菜, Yeah!Yummy!